Shillong, Jymmang 20
Ka ‘thei ïalehkai ka ri ka Deepthi Jeevanji ka la lah ban khur ïa ka takma ksiar bad thaw ruh bun rekod ha ka pyrthei hadien ba ka lah ban pyndep ha ki 55.07 sekhon ha ka jingïakob mareh kaba 400m T20 ha ka World Para Athletics Championships ha la Lah Sngi U Blei ha Kobe kaba ha Japan.
Kham ha shwa kane, ka Deepthi kaba la lah ban khanglad ïa ka nongïalehkai na America ka Breanna Clark ban thaw ïa ka rekod kaba 55.12 sekhon kaba la buh ha u snem ba la dep ha katei ka lympung kaba la long ha Paris.
Ha ka kyrdan ba-ar la wan da ka Aysel Onder na Turkey hadien ba ka la lah ban pyndep 55.19 sekhon, katba ka Lizanshela Angulo na Ecuador ka la wan ha ka kyrdan balai da kaba ka la lah ban pyndep 56.68 sekhon ha ka sngi kaba saw jong kane ka lympung.
Ka Deepthi ka la lah ban jam sha ka final hadien ba rah nam jop ha ka jingïakob mareh kaba 100m na ka bynta ban thaw ïa ka rekod ha ka dewbah Asian (56.18 sekhon) ha ka Sngi U Blei.
