Shillong, Jymmang 21
Ka West Khasi Hills District Chess Association (WKHDCA) kan pynlong ïa ka lympung ïalehkai chess ba la tip kum ka 10th WKHDCA State B cum Inter Schools Chess Championship ha ka 7 bad 8 tarik u Jylliew naduh ka por 9.30 mynstep ha SGSY Hall jong ka C&RD Block Nongstoiñ.
Kane ka lympung kan long na ka bynta ki paidbah bad ki khynnah skul jong ka West Khasi Hills District. Yn ai khusnam, memento bad ki syrnod sha baroh ki nongjop. Ha ka open category yn jied 6 ngut kiba hakhmat duh ki ban mihkhmat ïa ka District sha ka Meghalaya State Level ka ban long ha Tura, West Garo Hills District ha ka 12 haduh 15 tarik u Jylliew. Kumta kiba kwah ban shim bynta ki lah ban phone ïa u President ka WKHDCA Bah Richard Sun (7005842605).
