Shillong, Jymmang 21
Ka Fashion Society Shillong (FSS) ha ka Lah Sngi U Blei ka la pynlong ïa ka jingïalang kaba shongkun ban pyndon burom ïa ki nongïaleh ‘Hill State Movement’ na ki bynta ka Ri-Bhoi bad ka West Khasi Hills District, ha Nongstoiñ. Ha katei ka jingïalang la don kumba 60 ngut ki ‘Volunteer’ jong ka ‘Hill State Movement’ kiba la shah pynkup burom da ki ‘momento’, lane ki jingai sngewbha.
Ha kajuh ka por, la synran lang ïa ki da ki bahaïing bad ki nong kitbok-kitrwiang.
Ïa ka prokram la pynïaid da ka Researcher ba pawnam, ka Dr. Jane E. Warjri, bad ka Khmih Creative Society ka la ai katto-katne ki jingrwai ïeid ri.
Kane ka dei ka sien ba ar ba ka FSS ka la pynlong ïa kum kane ka jingïalang.
Kum ban shu kdew hangne, ka sien banyngkong ka la long ha Shillong ha u snem 2023, ha kaba ki ‘Volunteer’ ka ‘Hill State Movement’, ki la wan na kylleng ki distrik jong ka Jylla.
