Shillong, Jymmang 21
Ka SCA ‘A’ bad ka EWDCA kin pynkhreh ban ïaknieh ïa ka nam lahduh ha ka lympung ïalehkai kriket ki kynthei ba la tip kum ka Women’s League ba la pynïaid da ka Shillong Cricket Association.
Kane ka jingïakhun final kan long ha ka Sngi Balang ha madan ïalehkai kriket kaba ha Polo.
Ha ka jingïakhun semi final kaba la long ha ka Sngi Ba-ar, ka SCA ‘A’ ka la lah ban pynliem noh ïa ka SCA ‘B’ da 27 run lyngba ka DLS Method. Ka SCA ‘B’ kaba la jop ïa kynting pisa ka la ailad shwa ïa ka SCA ‘A’ ban tied nyngkong ha kaba ka la kamai 150 run bad shah pynhap 3 wiket ha ki 20 over. Ka Neha Hajong ka la ïoh ban khyrwit ïa ka shiteng spah kaba 56 run na ki 52 bol. Katba ka Natasha Rabha ka la shim 2 wiket ha ki 4 over na ka bynta ka SCA ‘B’.
Haba wan beh ïa ka thong, ka SCA ‘B’ ka la kamai tang 97 run bad shah pynhap 2 wiket ha ki 17.2 over. Ka Suriti Kumar Ray ka la ïoh ban khyrwit ïa ka shiteng spah kaba 61 run na ki 58 bol. Katba ka Monica Singh ka la shim 1 wiket ha ki 2 over. Ïa ka nam Player of the Match la khur da ka Neha Hajong.
Haba phai sha kawei pat ka jingïakhun kaba ar, ka EWDCA ka la pynliem noh ïa ka WKHDCA hadien ba la shah pynthud noh ha u slap.
Na ka liang ki bor pynïaid ki la pynbna ruh ban pynlong ïa ka jingïakhun final jong ka lympung ïalehkai U-18 Inter School Cricket Tournament hapdeng ka BK Bajoria pyrshah ïa ka St. Xavier’s bad ruh ïa ka final U-16 hapdeng ka Sunrise Academy pyrshah ïa ka St Edmunds.
