Shillong, Jymmang 22
Ka B.K Bajoria ka la rah ïa ka nam lahduh ha ka lympung ïalehkai Under-18 Inter School Cricket Tournament ba la pynïaid da ka Shillong Cricket Association hadien ba ka la lah ban pynliem noh ïa ka St. Xaviers da 1 wiket.
Ha ka jingïakhun final kaba la long ha ka sngi Balang ha madan Polo, ka St. Xaviers ka la kam trai ba kan tied nyngkong ha kaba ka la kamai 84 run bad shah pynhap 7 wiket ha ki 15 over. U Alok Kar u la tied 47 run na ki 50 bol. Katba u Jeetu Paul u la shim 3 wiket na ka bynta 3 over.
Haba wan shimti ïa ka pali kaba ar, ka B.K Bajoria ka la kynjoh sha ka thong da kaba kamai 85 run bad shah pynhap 9 wiket ha ki 15 over. U Anish u la tied 21 run na ki 24 bol. Katba u Abhishek u la shim 3 wiket na ka bynta ki 3 over. Ïa ka nam Players of Match la khur da u Jeetu Paul uba la shim 2 wiket.
