Shillong, Jymmang 22
Ka East Khasi Hills District Chess Association (EKHDCA) kan pynlong ïa ka prokram ban jied nongïalehkai chess (District Selection) ha ka 31 tarik mynta u bnai bad 1 tarik u Jylliew mynta u snem ha Umsohsun Community Hall kaba don hajan ka Old Dreamland Cinema Hall, Shillong ha ka por 9 baje mynstep.
Ki 12 ngut ki nongïalehkai kiba kynsai kin ïoh ïa ka lad ban mihkhmat ïa ka district sha ka lympung ïalehkai “47th Meghalaya State ‘A’ FIDE Rating Chess Championship 2024” ka ban long ha Tura, West Garo Hills naduh 12 haduh 15 tarik u Jylliew mynta u snem.
Kat kum ka kyrwoh ba la pyllait da u Bah Jerry N. Pajat, Publicity Secretary katei ka synjuk la ong ba ka bai rung kan long T.200 ïa ki khynnah skul, katba T.300/- na ka bynta kiba la heh la san. La pynkhreh ruh da ki khusnam pisa na ka bynta ki nongïalehkai kiba wan ba nyngkong haduh ba saw, katba naduh basan haduh khatar kin ïoh da ki takma. Ïa ki jingtip kiba bniah ki lah ban ïakynduh ia u Bah R. Katrai, Genl. Secy (8787333937) bad Kong Sumar Selon K. Khonglah, Jt. Secy (8794178094).
