Shillong, Jymmang 24
Ka Meghalaya Football Association (MFA) ka la pynbna ba ka ‘Inter District Transfer’ ne ka jingkyntiap jong ki rangïalehkai phutbol na kawei ka district sha kawei pat ka district jong ka Jylla, kan sdang naduh 6 tarik u Jylliew mynta u snem.
Kat kum ka kyrwoh ba la pyllait da u General Secretary u Bah Sunesh Syiem, la ong ba ki form ban kyntiap klop lah ban ïoh na ka shlem treikam jong ka MFA kaba don ha J.N Stadium, Polo naduh 6 haduh 15 tarik kata naduh ka por 3 haduh 5 baje janmiet.
Katba ïa ka jingsoi ïa ki rang-ïalehkai (Transfer of Player) yn pynlong ha katei ka shlem treikam ha ryngkat ka Transfer Fee kaba T.1000/- na ka bynta uwei u rangïalehkai kata naduh 1 haduh 7 tatik u Naitung mynta u snem naduh 3 haduh 5 baje janmiet. Ka jingsoi ïa ki rangïalehkai kan dei kaba khatduh bad ym lah shuh ban dangkylla ktien biang.
