Shillong, Jymmang 27
U kapten ka kynhun ïalehkai u Harmanpreet Singh u la ïoh ïa ka hat-trick na ka bynta ban pynlong ïa ka India ban pynliem noh ïa ka Argentina da 5-4 ha ka jingïakhun kaba saw jong ka lympung ïalehkai jong ka FIH Hockey Pro League.
Nalor u Harmanpreet (29, 50 bad u 52), u Araijeet Singh Hundal (7) bad u Gurjant Singh (18) ki la long kiwei pat ki nongthep kol na ka bynta ka India, katba u Federico Monja (3), Nicolas Keenan (24), Tadeo Marucci (54) bad u Lucas Martinez (57) ki la ioh ban thep na ka bynta ka Argentina ha ka Sngi U Blei.
Naduh kaba sdang ka India ka la pyrshang ban ïalehkai bha , hynrei ka Argentina ka la ïoh ban thep nyngkong lyngba u Federico na ka bynta ban tam da 1-0. Hadien saw minit ka India ka la ïoh ban pynphai kylla lyngba Araijeet na ka bynta ban ïakhaid mar 1-1.
Hadien katto katne por ka India ka la ïoh ban thep biang lyngba u Gur-jant, hynrei ka Argentina ka la pynphai kylla lyngba u Nicolas Keenan. Ka India ka la ïoh ban thep biang lyngba u Harman-preet na ka bynta ban tam da 3-2.
Hadien katto katne por u Harmanpreet u la ïoh ban thep biang sa ar kol na ka bynta ban khur syndon ïa ka hat-trick. Hynrei ka Argentina ka la lah ban pynphai kylla lyngba u Marucci bad u Martinez hashwa ban kan mad ïa ka jingshah rem.
Lyngba kane ka jingjop ka India kan pynkhreh ïa ka jingïakhun kaba ar pyrshah ïa ka Germany ha ka 1 tarik u Jylliew.
