Shillong, Jymmang:
Ka National Stock Exchange (NSE) jong ka India ka la tam mynta ïa ka 5 Trillion USD ha ka liang ka jingdon ka pisa ha ka ïew khaïi pateng, kaba pyni ïa ki dak jong ka jingbha bad jingkiew jong ka ri ha ka liang ki kam bei tyngka. Lah lah ban jam ïa une u mawmer ha ka 23 tarik,u Jymmang, 2024, kaba ïatyngkhuh ruh bad ka jinglah jong ka Nifty 50 Index ban kiew sha ka 22,993.60, kaba pyni ïa ka jingkiew jong ka kam kaba la ïarap ban pyntyllun ïa kane ka ïew.
Ka jingïaid lynti sha kane ka jingjop ka long kaei kaei kaba khraw haduh katta katta. Na ka jingdon tang 2 trillion USD ha u Naitung jong u snem 2017 sha ka 3 Trillion USD kat ha u bnai Jymmang 2021, bad nangta pat sha ka 4 Trillion USD ha u bnai Nohprah jong ka snem 2023, ka jingkiew jong ka ïew ka pyni ïa ka jingkhlaiñ ha ka liang ka ïoh ka ka kot jong ka ri India. Lah ban kdew hangne, ka jing kynjoh sha ka Trillion ka dei tang hapoh hynriew bnai, kaba pyni ïaka jingkiew kaba sted bha.
Kiba shnat kiba lam khmat ïa kane ka jingkiew sted ki kynthup ïa ki Corportation kiba khraw kum ka Reliance Industries Limited, TATA Consultancy Services Limited, HDFC Bank Limited, ICICI Bank Limited, bad Bharti Airtel Limited, ba kynthup ïa ki kompani kiba heh ha ka liang ka ïew khaïi pateng.
Ka jingkiew ha ka ïew ka long palat ban ïa ki kompani kiba heh, ha kaba ka Nifty 100 Constituents mynta ka la kot sha ka 61% na ka jingdon ka pisa ha ka ïew baroh kawei, kaba hiar na ka 74.9% jong u bnai. Ïaiong 2014. Kane ka jingïapher ka pynpaw ïa ka jingitynnad jong ka Stock Market ha India, kaba khriang ïa ki nongkheng pisa na la ka jong ka ri bad na bar ri ruh kumjuh.
Haba pynpaw ïa ka jingsngewkmen halor kane ka jingjop, u Sriram Krishnan, Chief Business Development Officer jong ka NSE, u la pynpaw ka jingsngewnguh sha ka kyndon treikam kiba ïadei bad kane ka ka bad ka jingshlur kumjuh ka jingshaniah jong ki nongbei tyngka ha kaba ïadei bad ka ïoh ka kot ka India ha ka lawei ban wan. Katba ka NSE ka dang ïai bteng ban wanrah ïa kiei kiei kiba bha tam ha ka liang jong kane ka kam, une u mawmaw u pynpaw ïa ka bynta kaba kongsan bha ha ka jingïaid lynti ka India sha ki kam kiba ïadei bad ka teknologi, ka ïoh ka kot kaba la leh da ka jingsngewthuh bad jingshemphang bad kaba don ka nongrim kaba skhem.
