Shillong, Jymmang 28
U Additional Deputy Commissioner ba dei khmih ïa ka Pynursla Civil Sub-Division, ha ka Sngi Ba-Ar u la pynmih ïa ka jingmana paidbah kiba ïaid ba ïeng na Shillong-Dawki shi lynter ka Rngaiñ.
Ha u kyrwoh khubor, u la ong ba na ka daw jong ka jingsniew ka suiñ bneng, ka surokbah NH-40 Shillong-Dawki shi lynter ka Rngaiñ, ka lah ban nang ïai twa. Namarkata, la bthah ïa baroh ki nongïaid nongïeng na kane ka surokbah ba kin kham husiar khamtam ha ka por miet.
U la ong ba kan kham bha lada lah ban kiar na kaba ïaid ha ka por ba jur slap bad por miet. Ki bor synshar ki ïai peitngor halor ka jinglong-jingman jong kane ka surok na ka bynta ka jingshngaiñ uba bun balang, la ong u Additional Deputy Commissioner.
