Jowai, Jymmang 29
Ka Executive Council jong ka West Jaiñtia District Sports Association (WJDSA) ha ka jingïalang kaba la long ha ka 28 tarik mynta u bnai, ka la rai ban pynkiew kyrdan ïa 4 tylli ki kynhun sha ka 2nd Division na ka bynta ka samoi ïalehkai 2024.
Ïa kine ki 4 tylli ki kynhun yn khot da ka Tender kaba lah ban ïoh na u General Secretary ka WJDSA u Bah Lammat O Laloo. Ka dor ka long T. 200/- kawei ka tender naduh ka 1 tarik Jylliew mynta u snem. Ka Reserve Prize T.15000/- shaneng da kaba suhlang bad ka receipt ha ka tender form. Ka dor kaba heh duh kan wan nyngkong ha kane ka jingïathep tender. Ïa ki tender form yn ïoh ha ka 6 tarik Jylliew. Ka tarik ban plie ïa ka tender kan long ha ka 10 Jylliew ha ka por 2 baje nohphai sngi ha shlem treikam ka synjuk ha Kiang Nangbah Indoor Hall. Ïa ki jingtip kiba bniah lah ban phone ïa u General Secretary WJDSA.
