Shillong, Jymmang 30
Ka jingïaid lynti ka PV Sindhu ka la poi sha kaba kut ha ka Singapore Open 2024 hadien ba ka la shah rem noh ha ka khlur ïalehkai na Spain ka Carolina Marin ha ka pre-quarter final ha ka sngi Palei.
Wat la kane ka khlur ïalehkai ka la pyrshang ban ïalehkai bha, hynrei ka la mad ïa ka jingshah rem da 21-11, 11-21, 20-22. Kane ka long ka jingshah rem kaba hynriew jong ka Sindhu ïa katei ka nongïalehkai ba kynsai ka Spain.
Na ki 17 sien ïakhun ha ka BWF, ka Marin ka la lah ban pynliem ïa ka Sindhu ha ka sien kaba khatar. Ka jinglah ban ïalehkai bha ka Sindhu ïa ka Marin ka dei ha ka quarter final jong ka Malaysia Open ha u 2018, ha kaba ka la khur ïa ka jingjop da 22-20, 21-19. Naduh katei ka por, ka Sindhu ka la shah rem noh ha ka Marin ha ka World Championships, Indonesia Masters, Malaysia Open bad ka Denmark Open hashwa ban kan shah rem ha Singapore.
Ha kane ka lympung ïalehka ha Singapore, ka Sindhu ka la pyrshang ban ïalehkai bha ha kaba ka la lah ban pynliem ïa ka Line Kjærsfeldt na Denmark da 21-12, 22-20. Ka Marin, ka la lah ban pynpaw ïa ka jingtbit ha kaba sdang hashwa ba ka liang pyrshah kan wanphai da ka jingkhlaiñ bor. Ha ka jingïakhun kaba khatduh, ka Sindhu ka la tam da 15-10 bad hadien da 18-15 hashwa ba ka Marin kan wanphai da ka jingjop.
Hadien ka jingshah rem ha ka Marin, ka jingïaid apkhmih lynti ka Sindhu na ka bynta ban bteng ïa ka jingjop ha ka Singapore Open naduh u 2022. Hadien ba ka la wanphai ha u Rymphang mynta u snem, ka Sindhu ka la duh ïashim bynta ha ka Uber Cup bad ka Thailand Open. Ha ka Malaysia Masters, ka la lah ban pynliem ïa ka Han Yue ha ka quarter final hashwa ba kan shah rem ha ka final ha ka nongïalehkai na China ka Wang Zhiyi da 21-16, 5-21, 16-21.
Te kumta ka la pynkhreh mynta ban ïashim bynta ha ka Paris Olympics 2024, ka ban long ha ka 26 tarik u Naitung.
