Bengaluru, Jylliew:
U President jong ka Karnataka Pradesh Congress Committee (KPCC) bad u Symbud Myntri Rangbah u DK Shivakumar u la ong ba ki la don palat 300 ngut kiba kwah ban long nongïakhun na ka bynta ka ilekshon Legislative Council ka ban sa wan na ka seng Congress, bad ka kynhun nongïalam bahakhliehduh jong ka seng kan sa ai ïa ka rai halor ki kyrtong. Ïa ka ilekshon sha ki 11 tylli ki konstitwensi ha Karnataka Legislative Council ban jied ïa ki dkhot jong ka Legislative Assembly yn sa pynlong ha ka 13 tarik, Jylliew.
Da ka jingdon jong 135 ngut ki MLA ha Karnataka Assembly, ka seng Congress kan sa jop ha 7 tylli ki MLC Post. Ka seng Congress kan sa ai ïa ka rai ha kaba ïadei bad u Dr Yathindra, uba long u khun jong u Myntri Rangbah ka jylla u Siddaramaiah, kum uwei na ki kyrtong ka seng.
U Dr Yathindra u la aiti noh ïa ka Varuna Assembly konstitwensi sha u Siddaramaiah ha ka ilekshon Assembly jong u snem 2023.
Ha ka jingïakren bad ki nongthoh khubor ha shwa ban leit sha New Delhi na ka bynta ban ai ïa ka rai kaba khatduh halor ka jingjied kyrtong, u Shivakumar u la pynpaw ka jingsngewskhem ba ka seng Congress kan sa jop ha 7 tylli na 11 tylli ki konstiwensi.
