Minneapolis, Jylliew:
Ha kane ka khubor la ong ba 2 ngut ki riew paidbah ki la kyllon iap ha ryngkat bad 2 ngut ki pulit ka Minneapolis kiba la khlad noh hadien ba uwei u runar u la synreit kuli naphang ha kawei ka jaka paidbah ha Minneapolis ha ka Sngi Palei. Uwei na ki heh pulit kiba ïadon ha katei ka jingjia pat u la mynsaw jur na ka jingïasiat bad jingther kuli markylliang bad utei u runar.
Hynrei ki pulit kim pat shym la ai jingtip shai halor kaei kaba la jia baroh bad ia ki jingtip ba bniah shaphang utei u runar bad kumjuh ruh ia kitei kiba mynsaw baroh. Wat la katta, ki pulit ki la shu pyntip ba ki don kumba 7 ngut kiba ngat ha katei ka jingjia baroh kynthup ia kiba khlad bad kiba mynsaw ha katei ka sngi. La ong ba ki don ki nongsakhi kiba ïohsngew ia katei ka jingjia bad ki la iathuh ba ha katei ka sngi ki la ïohsngew ia ka jingriew jong ki ktang suloi kumba 5 sien riew eiei bad ki la sngewthuh ba katei ka jingsawa ka mih na ka mala kaba 2 jong katei ka ïingmala.
