Jerusalem, Jylliew:
Ka tnat kam bar ri jong ka Israel ha kane ka por ka la kyntu ia ki briew lajong kiba don hapoh Maldives ba kin leit phai biang noh sha Israel hadien ba ka Sorkar Maldives ka la pyntip lypa ba kan sa wanrah ia ki aiñ ki ban pyrkhing bad khang noh ia ki nong Israel ban leit rung shapoh Maldives nangne shakhmat.
Ki bor pyniaid ka Maldives ki la dep maham lypa ruh ba lada don kino-kino ki paidbah nong Israel ki bym mih na Maldives, lada ki kynduh ia kino-kino ki jingeh hadien-habud, ka Maldives kam lah ban shim jingkitkhlieh namar dei ka Israel ka ban shim jing-kitkhlieh na ka bynta jong ki.
