Shillong, Jylliew 06
Ka khlur ïalehkai tennis ka ri ka PV Sindhu ka la shah rem noh tang ha ka wat kaba nyngkong jong ka Indonesia Open ha ka Hsu Wen-chi na Chinese Taipei ha ka sngi Balang bad ka la long ka jingkut ka jingïaid lynti jong ka ha ka BWF Super 1000 tournament.
Kane ka khlur ïalehkai kaba la khur takma ar sien ha ka Olympic bad kaba ba bat teng ia ka nam lahduh ha ka pyrthei, ka la shah rem ha ka jingïakhun para marwei jong ki kynthei da 15-21, 21-15, 14-21 ha ka Wen-chi.
Katei ka nongïalehkai kaba na Taiwan ka la shimpor shi kynta bad 10 minit na ka bynta ban pynliem ïa katei ka nongïalehkai kaba la khur ïa ka takma ksiar ha ka Commonwealth Games.
Ha ka women’s doubles jong ka wat jingïakhun kaba 32, ki ar ngut ki ‘thei ïalehkai ka ri India kata ka Rutaparna Panda bad ka Swetaparna Panda ki la shah rem noh ha ki nongïalehkai kiba na Korea kata ka Kim So Yeong bad ka Kong Hee Yong da 12-21 9-21.
