Shillong, Jylliew 06
San ngut ki nongïalehkai ka Jylla hapoh ka lama jong ka Meghalaya School of Martial Arts (MSMA) ki la wanrah burom ïa ka Jylla da kaba khur takma ha ka lympung ïalehkai 8th National Kungfu Championship 2024.
Ïa kane ka lympung la sdang naduh 25 haduh 27 tarik u Jymmang mynta u snem ba la pynlong da ka Kungfu Sports Association of Assam (KSAA) kaba long ka dkhot jong ka All India Kungfu Federation & Asia International Kungfu Federation kaba la ithuh da ka Olympic Council of Asia (OCA).
Ïa ka takma ksiar la khur da u Labianglang Thawbri, kumjuh ïa ka takma rupa la khur da u Sunshine Ronghang, katba ïa ka takma rnong la khur da ka Clara Klein, u Rapbor Timung bad u Kyrshanbor Syngkli. Ïa kane ka kynhun la ïalam da u Master Ajit Ronghang na Umshakait, Ri-Bhoi District.
