Shillong, Jylliew 06
Ka ICC ka la jubab ïa ka jingujor na ka Pakistan Cricket Board (PCB) da kaba ka la pynkynriah noh ïa ka kynhun ïalehkai ka Pakistan sha kawei pat ka iingbasa (hotel) kaba kham jan bad ka jaka ïalehkai kaba ha New York na ka bynta ka lympung ïalehkai T20 World Cup.
Kane ka la wan hadien ba ka PCB ka la pynpaw ka jingsngewkhuslai halor ka jingpynbeit ïa ka jaka sah jong kane ka kynhun ïalehkai kaba jngai kumba 90 minit na ka stadium.
Ka PCB ba la lamkhmat da u chairman u Mohsin Naqvi, u la ujor halor kane ka jingpynbiang ïa ka jaka sah kaba kham jngai na ka stadium. Te kumta ka ICC ka la pynbeit ban kynriah noh sha kawei pat ka ïingbasa kaba shimpor tang kumba san minit na ka stadium kaba ha Westbury, New York.
