Norway, Jylliew:
Katkum ki khubor, la ong ba uwei u ‘riew shang kai pyrthei, u la duh noh syndon ia la ka jingim hadien ba u hap na kliar u lum ha Norway uba la don kumba 2,000 phut ka jingjrong bad uba long ruh u Lum uba la paw nam bha na ka phlim ‘Mission Impossible’.
Ki pulit ka Norway ki la pyntikna ba utei u briew uba la don ha ki rta 40 snem eiei, u la khlad noh ha ka 2 tarik u Jylliew hadien ba u la hap na kliar jong utei u lum. Wat la katta, la ong ba kim pat shym la lap ia ka met jong utei u briew haduh kine ki sngi bad dei tang ia ka mobile phone bad kiwei pat ki kot ki sla jong utei u briew, ha kaba la sngewthuh ba utei u briew u la hap nangtei najrong lum bad la sngewthuh ruh ba un nym lah shuh ban im hadien bun sngi ba u la hap bad ba ym shym la don ba lap ne ioh pyllait im noh ia u.
Ki pulit ki dang wad bniah pat ia ka daw jong ka jingleit hap jong utei u briew na utei u lum uba jrong wat haba kim shym la lap ksai ban don kano kano ka daw ne ki nongthombor sha lyndet jong katei ka jingjia.
Namar la ong ba utei u lum Pulpit Rock u dei da u mawsiang uba paw tam bad uba khring bha ia ki paidbah sha katei ka ri.
