Saint Petersburg, Jylliew:
U President ka Russia ha ka Sngi Balang u la kren ha ki myntri sorkar jong u baroh ba ka Russia ka donkam ban tei ia ka jingiadei hapdeng jongka bad ka sorkar Taliban hapoh Afghanistan naka bynta ka jingshngaiñ bad ka jingkyntiew ia ka ioh- ka kot hapdeng ka Russia bad ka Afghanistan ha ki por ki ban wan. Namar u la ong ruh ba dei tang ka Afghanistan ka bym shym kyntait ia ka Russia wat hapdeng ka jingleit hiar thma jongka sha Ukraine bad kumta u la ong ba kane ka long ka kabu kaba biang tam ia ka Russia ba kan pyniadei bad ban thaw lad ban wanrah ia ka jingiatrei lang bad ka Taliban kaba synshar hapoh Afghanis-tan. La ong ba u Putin u la kren ia kane ha ka Sngi Balang, hadien ka jingleit poi jong ka kynhun myntri ba kyrpang jong ka Taliban sha Saitn Petersburg International Economic Forum. Namar u Myntri ka tnat kam bar ri jong ka Russia- u Sergei Lavrov ha kane ka taiew ba la lah, u dang dep pynbna ba ka Russia ka la thmu ban weng noh ia ka Taliban na ka thup jong seng lane ki kynhun lehnoh.
kiba ka Russia ka la khang mynta la kumba 3 snem hadien ba katei ka kynhun lehnoh ka la ioh ban knieh hi noh ia ka bor synshar hapoh ka ri Afghanistan.
Namar la ong ba ka Russia ka la ñiew ia ka Taliban kum ka kynhun lehnoh dei ha u snem 2003 bad ka la khang pyrshah ia katei ka kynhun lehnoh ba kan leit ban pynroi ia ki kam thombor jongka hapoh ka ri Russia. Hynrei ha kane ka por, la ong ba ka Russia ka la ialeh ban weng noh ia ka Taliban na ka thup ki kynhun lehnoh.
bad ka Russia ka la thaw lad ruh kumno ban ioh iatrei lang bad ka Taliban naka bynta ka jingbha jongka hi khamtam ha kum kane ka por ba kiba bun ki ri ki la pynkut lut noh ia ka jingiadei kam bad ka Russia namar jong ka thma hapoh Ukraine.
