St. Petersburg, Jylliew:
U President ka Russia, u Vladimir Putin haba ai jingkren sha ki nongthoh khubor hapoh ka nongbah St.Petersburg, u la ong ba ka Russia kam shym don jingthmu eiei ban leit ktah kti ne leit pynthut ia ki ri jong ka NATO. Wat la ki ri na West ki sheptieng ioh ka Russia kan leh ia kane hynrei u la ong ba ia mynta hi, ka Russia kam shym don jingthmu eiei ban leit hiar thma ia ka NATO bad ka jingpynleit jingmut jong ka Russia ka long beit thik tang hapoh Ukraine.
Kumta, u Putin u la ong ba ka long ka bym myntoi ia kiwei pat ki ri ne ki tnat ba kin pyrkhat halor kane ka mat namar ka Russia hi kam don jingthmu eiei ruh ban leit hiar thma ia ka NATO lane ban pynthut ia kito ki ri kiba don hapoh jong ka kynhun NATO.
Namarkata u la ong ruh ba kitei ki ri kim dei ban pyrkhat sniew ne ban ñiew nongshun ia ka Russia, namar kin kut ha kaba buh jingma da lade ia lade hi.
Namar u la ong ba ka long ka bym lah ban pdiang haba u ïoh-sngew ia ka khubor hamsaia narum-na-neng ba ka Russia ka thmu bad don jingmut ban leit hiar thma bad leh pyrshah sa ia ka NATO bad kumta u la ong ba kane ka long ka bym lah ban long da lei-lei ruh namar ka Russia hi kam shym don jingmut eiei kumta.
