Mairang, Jylliew 09
Ban nang kyntiew shuh shuh ïa ki samla don sap ha ka kam ïalehkai hapoh ka dong bad ka District hi baroh kawei, ha kine ki khyndiat sngi la lah ban thaw ïa ka Eastern West Khasi Hills District Athletic Association (EWKHDAA).
Ïa katei ka jingïalang ban thaw ïa katei ka synjuk, la pynlong ha indoor stadium Mairang Mission Eastern West Khasi Hills.
Shuh shuh ha katei ka sngi la ïoh ban jied ïa ki nongkitkam ha kaba u Bah Bashanlang Wahlang u la shah jied kum u President, Vice President Bah Robert Wahlang, Shanbok Nongsiej, General Secretary u Bah Wanshai Lyngdoh, Asst. General Secretary u Bah Shanbhalang Sun, Treasurer sha u Bah Richel Collin Basaiawmoit, Organising Secretary Bah Ïaibat-skhem Marweiñ, Publicity Secretary Bah Bhakupar Mylliemngap.
Ha katei ka sngi la ïoh ruh ban jied 15 ngut ki dkhot jong ka Executive Committee bad ka thong jong ka synjuk ka long ban plie ka lad ka lynti ïa kito ki khynnah don sap ha ka Athletics ba kin ïoh ban pyni ïa ka sap ka phong ha ki rynsan bapher bapher ym ban shu kut noh tang ha ki rynsan kum ha ki skul bad kiwei kiwei.
