New Delhi, Jylliew 09
Ka Sorkar Pdeng bathymmai ba la ïalam da u Narendra Modi ka la bam smai ha ka Sngi U Blei ha Rashtrapati Bhavan ha ka jingsakhi jong kumba 8,000 ngut ki briew ryngkat ka jingdonlang ki nongïalam na ki Ri bamarjan bad ka India.
Ha ka banyngkong, ka President, Droupadi Murmu, ka la pynbam smai ïa u Modi kum u Myntri Rangbahduh, bad kane ka long ka sien kaba lai ba un shimti ïa kane ka shuki. Hashwa jong u Modi, dei tang u Jawaharlal Nehru uba la lah ban thaw sorkar laisien lynter.
Da kane ka jingpynbam smai ïa u Modi bad kiwei ki Myntri, ka sorkar u Modi 3.0 ka la wan dur. Kaba sah mynta ka long sa tang ban sam ïa ki doh kyndang sha ki Myntri, bad kane ka lah ban long ha ka Lah Sngi U Blei.
Hynrei kane ka sorkar ba mynta ka pher na ki sorkar jong u Modi ha u snem 2014 bad 2019 namar ka BJP ka khlem jop bun tang marwei, bad ka hap ban kynthup lang ïa ki paralok na ki seng kiba don ha ka lama jong ka National Democratic Alliance (NDA).
