Haba kwah ka jingïatylli dei ban sdang naduh na rympei, na ka kur ka jait ka jaitbynriew kan kiew. Kumta ngi lah ban jop ha kiei kiei ki jingeh ba ïa kynduh ha ka imlang ka sahlang.
Hynrei haba na ïing na sem kam don ka jingïatylli shano keiñ ngin ioh ka jingjop ha ka jingim. Kum ka nuksa haba phai ha ka kheiñ kur kheiñ jait hapdeng ka Kmie, u Kpa bad ki khun ki jait ba ïapher, te shano keiñ ngin ioh ïa kata ka jingïatylli.
Ha ka jingshisha shïing shi sem ngi dei ban don beit ha ka juh ka jait ka kynja. Hynrei ka dustur ha ngi ki Khasi, u kpa ïa ka jong ka jait, ki khun bad ka kmie la ka jong ka jait. Ki khun ki don kiba ai jait sha u kpa don kiba ai jait sha ka kmie.
Te haei keiñ kan don ka jingïatylli ha ka ïing ka sem. Kum ka nuksa tang ki khynnah skul haba ki phong Uniform katno ka long kaba itynnad bad long ryntih hapoh ka skul. Hynrei lada ai lad ba kin phong ïa ka jong ka sopti te ka skul kan don ka jingryntih da lei lei ruh.
Kumjuh kane ka jingbym shim ïa kajuh ka jait bad ka kmie ruh bad ki khun ruh kin shu bud kumba ïalam u thyrnia u ksai u shu bud. Kumta kan ym pynlamwir ïa ki khun. Hynrei kumba ka paw bun ki longïing kiba ki khun ki ai jait sha u kpa bad don kiba ai jait sha ka kmie. Te haba kumne ka dei seh kata ka dustur Khasi paka.
C. B. Iawphniaw
