Shillong, Jylliew 10
Ka Meghalaya State Kickboxing Association (MSKA) ka la jied ïa saw ngut ki nongïalehkai ban mihkhmat ïa ka Jylla sha ka WAKO India National Kickboxing Championship-2024 ka ban long ha Maryada Maitri Resorts, Radha Bari, Siliguri, West Bengal naduh 10 haduh 14 tarik mynta u bnai.
Kine ki long u Orick Marbaniang (K1 Rules Ring -32kg) na Golflink Khliehshnong, katba u Ïashanlang Susngi (K1 Rules Ring -58kg), Derick Dashan Nongrum (K1 Rules Ring -55kg) bad u Donborlang Lyngdoh (K1 Rules Ring -60kg) kiba dei na St. John Bosco HS School Sohra. Ïa kane ka kynhun la ïalam da u Nathaniel S. Kurkalang bad u Mordekai S. Kharpuri kum u coach bad manager.
