Jowai, Jylliew 10
Ka 21st Open to All Badminton Champion-ship ba la pynïaid da ka Loompyrdi Ïongpiah Sports & Games Committee kaba la sdang naduh ka 3 tarik, ka la poi sha kaba kut ha ka 8 tarik ha Seinraij Indoor Sports Complex, Tpep Pale.
Ha kane ka sngi la sakhilang da u Bah Deibormi Toi, Executive Engineer PHE Greater Shillong Water Supply Division II Mawphlang ha ka jingdonlang u waheh shnong Loompyrdi Ïongpiah Bah R.L. Bimee Suwer, ki dkhot ka West Jaiñtia District Badminton Association (WJD-BA) bad kiwei kiwei ki riew rangbah.
Ha ka jingïalang shwa ban sam khusnam sha ki nongjop, la ïoh ka jingkren ai mynsiem na u Bah C.Tympang Laloo, Chairman Sports & Games Committee bad ki kyntien khublei na u Bah Kamki Kyndiah, Secretary Sports & Games Committee.
Ki nongïashim bynta ba kynsai jong kane ka lympung katkum ki kyrdan ïakop bapher, ha ka Men’s Single Open to All, u Ram Najiar u la rah ïa ka nam jop da kaba pynliem ïa u Hrisami Passah da 21-15, 21-15. Ha ka Men’s Doubles, u Rimilan Passah bad u Nongpluh ki la pynliem ïa u Dauru Laloo bad Buromlangki Lakiang da 21-12, 21-19.
Ha ka Men’s Singles (35+) u Ram Najiar ula rah ïa ka nam jop da kaba pynliem ïa u Dauru Laloo da 21-14. 21-11, katba ha ka Men’s Doubles (35+) u Ram Najiar bad Yutang Kma ki la pynliem noh ïa u Dr. Peterson Lamare bad u Daymen Shullai da 24-22. 22-20.
Ha ka Women’s Doubles, ka Balashembha Passah bad ka Josefina Dala Passah ki la rah ïa ka nam jop da kaba pynrem ïa ka Bhalang Passah bad Dabiangsakani Lyngdoh da 21-16, 21-19, katba ha Women’s Singles ka Prety Mary Sumer ka la pynliem ïa ka Josefina Dala Passah da 21-8, 21-14.
Haba phai sha ka 50+ Men’s Singles, u Teddy Laloo ula pynliem ïa u John F.Synrem da 21-15, 18-21, 21-13, katba ha ka 50+ Men’s Doubles u Carmello Laloo bad u Wanbhalang Lamare ki la rah ïa ka nam jop da kaba pynliem ïa u Teddy Laloo bad Salan Paswet da 22-2-, 16-21 bad 16-21.
Ha ka Open to all Mixed Doubles, u Dei-langwa O Nongpluh bad ka Ribhalang Passah ki la lah ban pynliem noh ïa u Mebanker Shullai bad ka Balashembha Passah da 21-18 bad 21-15.
Shuh shuh kum shi bynta ban pynmih pisa ban kyrshan ïa kane lympung, ka Sports & Games Committee Loompyrdi Ïongpiah ka la pynlong ruh ïa ka Mini Lucky Draw bad ki number kiba pom ki long 1st Prize-8871, 2nd Prize-2318 bad 3rd Prize-4589.
