Surrey, Jylliew:
Sa shisien pat ha kane ka por, la ong ba ki pulit ka Canada ki la iathuh ba utei u nong India uba na ka nongbah Ludhiana jong ka jylla Punjab, u la shah siat iap hapoh ka nongbah Surrey jong ka ri Canada ha ka Sngi Thohdieng ba la lah. Ia utei u nong India la ithuh kum u Yuvraj Goyal, u la leit shong leit sah sha Canada naduh u snem 2019 lyngba jong ka Visa ki khynnah pule bad u dang shu ioh shen ia ka Permanent Resident (PR) ban long u nongshong shnong trai ka Canada.
Kane ka la jia ha ka 7 tarik jong une u Jylliew ha ka por kumba 8 baje mynstep, ha kaba ki pulit ka Surrey ki la ioh jingtip shaphang katei ka jingjia ha ka block-900 jong ka surok bah 164 hapoh ka nongbah Surrey jong ka British Columbia. Hynrei, la ong ba mar ia poi ki pulit ha katei ka jaka ki shem ba u Yuvraj u la dep khlad bad kim shym lah shuh ban leh eiei ne ban pyllait im ia u.
Ki pulit ki la kem bad rah noh ia ki katto katne ki suba don kti ha katei ka jingjia kiba kynthup ia u Manvir Basram (23 snem), Sahib Basra (20 snem), u Harkirat Jhutty (23 snem) & Keilon Francois (20 snem).
uba dei na Ontario bad la pynngat ruh ia ki hapoh ki kyndon jong ka jingpynïap briew ha katei hi ka Sngi Saitjaiñ ba ki pulit ki la ioh ban kem ia ki baroh.
