Jowai, Jylliew 11
Ka Mihmyntdu R.C Eve Sec School, Kiang Nangbah Govt. HS School, H.K. Singh Memorial Secondary School, St. Claret Sec School Phramer bad Kymprup Sec. School Sahsniang ki la ïoh jingjop ha ka Sngi Ba-ar jong ka lympung ïalehkai “District Level Inter School Subroto Cup 2024”.
Ïa kane ka lympung ïalehkai la pynïaid da ka ophis u District Sports Officer (DSO), West Jaiñtia Hills District kaba la sdang ha Kiang Nangbah Stadium Jowai ha ka 11 tarik mynta u bnai.
Haba phai sha ka jingïalehkai jong ka kyrdan Under-17 (Boys), ka Mihmyntdu R.C Eve Sec School ka la pynliem noh ïa ka All Saint Diocesan School da 3-1 kol. Ka Kiang Nangbah Govt. HS School ka la pynliem ïa ka Wahïajer Presbyterian HS School da 1-0 kol.
Ka HK. Singh Memorial Secondary School ka la pynliem ïa ka Riwar Jaiñtia COG Sec School, Ladjaplem da 3-1, ka St. Claret Sec School Phramer ka la pynliem ïa ka Padu HS School da 4-3 lyngba ka tie-breaker, katba ka Kymprup Sec. School Sahsniang ka la pynliem ïa ka Syndai Sec Shool da 4-1 kol.
