Agartala, Jylliew:
Kum shi bynta jong ka jingjop ha ka jingïakhun pyrshah ïa u drok, ki pulit jong ka Tripura ki la ïoh ban kem ïa arngut ki briew ha ka miet jong ka Lah Sngi U Blei. Ha kane ka jingpyntreikam, ki pulit ki la ïoh ban kurup ïa 2.212 kilo u Heroin ba shongdor kumba T. 25 klur.
Ka jingpyntreikam ha ka ban leit khynra drok ka la long ha Damcherra kaba don ha North District jong ka Tripura. Kane ka la long hadien ba la ïoh jingtip shaphang ka jingdon jong ki runar kiba la thmu ban khaïi drok. Ka jingpynpoi ïa u drok ka la long na Mizoram bad thmu ban leit die sha Sonamura Sub-Division ha Sepahijala distrik.
Kum ka jingpyntreikam sted hadien ba la ïoh jingtip halor kane, u Officer-In-Charge jong ka jaka treikam ki pulit ha Damcherra ha ryngkat ka kynhun jong u, ka la pynlong ïa ka jingpynap shrip ban ïohbat ïa ka kali ba don kine kiba la shah suba. Kine ki arngut kiba la shahkem ki dei kiba la tip kyrteng kum u Sahidul Rahaman bad u Jasim Uddin, kine baroh arngut ki dei kiba don ha ka rta kaba 35 snem bad ki nongshong shnong jong ka Kulobari ha Sonamura Sub-Division.
