Shillong, Jylliew 11
Ka lympung ïalehkai District Level Inter School Subroto Cup Mukher-jee Football Tournament 2024 ba la pynïaid da ka shlem treikam u District Sports Officer (DSO) East Khasi Hill ka la jam sha ka semi final.
Kine ki kynthup ïa ka Assam Rifles Public School, Nongbsap SS, H.Elias M. HSS bad ka Umphyr-nai Presbyterian SS ha ka U-17 jong kynthei, kumjuh ka Umphyrnai Presbyterian SS, Sacred Heart Boys HSS, Assam Rifles Public School bad ka O.M. Roy Memorial HSS ha ka U-15 jong shynrang, katba ka Umphohliew Jingtip HSS, H.Elias Memorial HSS, Ïewrynghep SS bad ka Tyrsad HSS ha ka U-17 jong shynrang.
Haba phai sha ki jingïakhun quarter final kaba la long ha ka Sngi Ba-ar ha ka kyrdan ïalehkai U-17 (Boys), ka Assam Rifles ka la pynliem ïa ka Mount Hermon HSS da 7-0 kol, katba ka Weiloi SS ka la shah rem noh ha ka Nongbsap SS da 1-0 kol, ka H.Elias ka la jop da 1-0 kol ïa ka Phila Rapsang M.S.S bad ka Umphyrnai Presbyterian ka la pynliem noh ïa ka St. Anthony’s HSS da 1-0 kol.
Ha ka U-17 (Girls) ka Tyrsad HSS ka la pynliem noh ïa ka Pine Mount School da 7-0 kol. Kane ka la wan lyngba ki hat-trick ba la thep da ka Balabet Khongsit ha ka minit kaba 17, 25 & 43 bad ka Ibashembha Khongsit kaba la thep saw kol ha ka minit kaba 45, 46, 52 & 57.
Haba phai sha ka Under-15 (boys) ka Umphyrnai Presbyterian SS ka la pynliem noh ïa ka H. Elias Memorial HSS da 5-0 kol, ka Sacred Heart Boys H.S.S ka la jop da 3-0 kol ïa ka Nongbsap SS, ka Assam Rifles Public School ka la pynliem noh ïa ka St.Anthony’s HSS da 1-0 kol bad ka Ïewrynghep SS ka la shah rem noh ha ka O.M Roy Memorial HSS da 8-1 kol.
Na ka liang ki bor pynïaid ki la pynbna ba baroh ki jingïakhun semi final kin long ha ka sngi Balang ha madam Heh Mini Stadium bad kumjuh ha ka Third Ground, Polo.
