Chennai, Jylliew:
Ha ka jingpyntreikam kaba dang ïaid shakhmat, u President jong ka seng DMK u MK Stalin ha ka Lah Sngi U Blei, u la jied ïa ka Deputy General Secretary jong ka seng bad ka MP jong ka Thoothukudi MP, ka Kanimozhi Karunanidhi kum ka nongïalam jong ka seng DMK ha Parliament, kane ka la long ka nongïalam jong ka seng ha Lok Sabha.
Katkum ka jingthoh kaba la wan na ka jaka treikam jong ka seng DMK ha Chennai la pynbna ruh ba u MP u TR Baalu un sa shimti ïa ka kam kum u nongïalam jong ka seng ha Lok Sabha bad u MP Dayanidhi Maran kum u symbud nongïalam jong ka seng ha ïingdorbar.
Ha kaba ïadei bad kane, u Deputy General Secretary jong ka seng DMK u A Raja u la shah thung kum u dkhot jong ka seng ha ïingdorbar jong ka Lok Sabha, u Secretary jong ka seng u Tiruchy N Siva kum u nongïalam jong ka seng ha Rajya Sabha, u MP M Shanmugam kum u symbud nongïalam jong ka seng bad u MP P Wilson kum u dkhot jong ka seng DMK ha Rajya Sabha.
U Secretary jong ka seng DMK u S Jagatratshagan un sa trei ïa ka kam ba la bynshet kum u Treasurer jong ka seng ha baroh ar tylli ki ïing jong ka Parliament.
