Ka Jingieit kaba ngi ïoh na ki kmie ki kpa ka kham palat liam wat ïa ka jingkordor ka ksiar ne rupa. I Mei i Pa kiba kha ïa nga ïa phi bad ki la ri la sumar haduh ba ngin da samla. Ki la phah skul ïa nga ïa phi ban nang ban stad. Ki la trei shitom ban pyndap pynbiang ïa ka bam ka sa, ka kup ka sem ïa ngi khlem ka jingbynnud bad ngi la ïoh kam ïoh jam ban ïoh kyrshan ïa lade bad ïa ki khun jong ngi.
Ki khlem babe ba ki la aiti lut ban kyrshan ïa nga haduh ba kin da leit noh na kane ka pyrthei. I Mei i Pa ki long kum ki Blei ym tang kane ka pyrthei hynrei haduh ka jaka bneng kaba long ka khet jong u Blei nongthaw nongpynlong ïa kane ka pyrthei bad ïa kiei kiei kiba don ha ka.
Hooid na ka liang jongngi kum ki khun ngim leh kumba lah ki kmie ki kpa namar ngi khlem ioh eiei ïa i Mei i Pa haduh ba kin da ïeh noh ïa kane ka pyrthei. Hynrei ngi kum ki khun ba ieit jong ki ngim lah ban khlem da jaw ki ummat haba ngi kynmaw ïa ka jingieit bad jingleh bha jong i Mei i Pa ïa nga kum u khun phrang sngi. Ka jingieit jong i Mei i Pa ka kham palat ïa ka jingkordor ka ksiar bad ka rupa.
C. B. Iawphniaw
