Jowai, Jylliew 12
Ka Lumpyrdi Sec School, Nongbareh Lyntiar Sec School, Jowai Presbyterian UP School, Sabahmuswang UP SSA School, Dominic English UP School Namdong ki la ïoh jingjop ha ka lympung ïalehkai “District Level Inter School Subroto Cup 2024”.
Ïa kane ka lympung la pynïaid da ka shlem treikam u District Sports Officer (DSO), West Jaiñtia Hills District ha Kiang Nangbah Stadium Jowai, ka Lumpyrdi ka la jop ha ka kyrdan ïalehkai Under-17 (Boys) hadien ba ka la lah ban pynliem noh ïa ka Jowai Presbyterian HSS da 2-1 kol. Ka Nongbareh Lyntiar Sec School ka la pynliem da 1-0 kol ïa ka Police Publie Sec School.
Ha ka kyrdan ïalehkai Under-15 (Boys), ka Jowai Presbyterian UP School ka la pynliem ïa ka Mihmyntdu Sec School lyngba ka tie-breaker da 2-1 kol. Ka Sabahmuswang UP SSA School ka la pynliem ïa ka Larnai SSA UP School lyngba ka tie-breaker da 4-2 kol. Katba ka Dominic English UP School Namdong ka la pynliem ïa ka Don Bosco Sec School Mihmyntdu da 4-0 kol.
