Ka kheiñ kur kheiñ jait ha ngi ki Khasi ka long thamula lada ngi pyrkhat bha. Namar ha ka jingshisha ngi dei ban shim ïa ka jait ka kynja na u symbai ym na ka khyndew ne ka kmie ba pun ba kha. Namar haba ngi thung ïa u symbai kba dei ban mih hi u kba ym ban mih da u krai. Lada ngi thung u Kajor un mih hi u Kajor ym ban mih u piat. Bad ka long kumta ha ka kheiñ kur kheiñ jait ruh. Hynrei ha ngi ki Khasi haba ioh symbai na u kpa Negro mih u Khasi ai jait kmie. Haba ngi ioh symbai na u khar Bengali mih u Khasi ai jait kmie. Kane ka long kaei kaei ka bym lah ban pdiang da lei lei ruh ha ka imlang ka sahlang u khun Khasi Khara. Kumno yn ai jait Khasi ïa ki khun kpa phareng bad kpa Negro, hana ki ai daw ban pynroi ban pynroi ïa ka kur ka jait Khasi. Kane ka lah ban long Ko ki riew shemphang ka Bri u Hynñiewtrep da pyrkhat bha, kumno keiñ ngin kam kur ïa u symbai ba ioh kpa bym dei Khasi bad pynlong Khasi ïa ki khun bar jylla. Nga te ngam sngew ïahap wat lada phi pynlong aiñ ïa kane ka rukom ai jait sha ka kmie da kaba pynlong Khasi ïa ki khun bar jylla.
C. B. Iawphniaw
