Guwahati, Jylliew:
Ha kiba bun ki jingïalang ba la long ha kine ki khyndiat sngi ba la dep ha Janata Bhawan, u Ashok Singhal, Myntri ba dei khmih ïa ka tnat Housing and Urban Affairs and Irrigation, u la ïakynduh bad ki heh sorkar na ka bynta ban ïakren ïa ki mat ba kongsan kiba ktah jur ha ki thaiñ sor ha Assam.
Kine ki jingïakren ki long halor ka jingthmu ban ïakhun pyrshah halor ki jingeh kiba wan khah khah, ki jingshlei um bad ki jingkyntiew ïa ka thaiñ sor. Shuh shuh ki jingïakren ki la long ruh halor ki jingdonkam kiba dei ban shim ïa ki sienjam na ka bynta ban ïakhun pyrshah halor ki jingdon jong ki jingtih beaiñ ïa ki marpoh khyndew bad kiwei pat ki rukom pyntreikam kiba long ka daw ban wanrah ïa ki jingsahkut jong ki jaboh ha ki nala kiba long ka daw jong ka jingjur ka jingshlei um.
Kumba la sakhi, la ong ba ha kaba ïadei bad ka jingshlei um kaba mynta, la ong ba wat lada ki dang don kumba 54, 467 ngut ki briew kiba dang shah ktah na ka jingshlei um ha kylleng ki jaka jong ki 8 tylli ki distrik, la ïathuh ka tyllong khubor. Ka jingbym biang ki jaka pynïaid um bad ki nala ka la ktah shibun ïa ki nongshong shnong ha kane ka jylla ba madan khamtam ha ki por ba wan hap u slap uba jur. Ka jingai jingïarap jong ki bor ba dei khmih sha ki lanot bad ka jingleit jurip sha kylleng ki jaka ba ngat ha ka jingshlei um ka dang bteng haduh mynta.
