Shillong, Jylliew 13
Uwei na ki nongrah nar ka Jylla, u Sandeep Sharma u la wanrah burom ïa ka ri India da kaba khur ïa ka takma rnong ha ka Kettlebell World Championships kaba la long ha Rzeszow, Poland.
Une u rangïalehkai u la lah ban khur ïa katei ka takma da kaba u la lah ban rah ïa ka jingkhia kaba 80kg ha katei ka jingïakop kaba la sdang naduh 6 haduh 9 tarik mynta u bnai. Ïa ka takma ksiar khur da u rangïalehkai na Ukraine bad takma rupa da u rangïalehkai na Israel.
U Sharma u dei uba paw bha ha kane ka jingïalehkai (kettlebell) bad uba long ruh u nonghikai, u la ïashim bynta ha kiba bun ki jingïakop kiba la long ha kylleng jong ka ri. Dangshen ha u snem ba la lah, u la khur ia ka takma ksiar ha ka WKSF Kettlebell Asia Championships kaba la long ha Mumbai ha u Nohprah jong u snem 2023.
