Shillong, Jylliew 13
Ka Shillong Lajong Football Club ka la pynbna ba kan pynlong ïa ka jingjied khynnah ïalehkai shynrang kiba hapoh 13 snem ka rta kiba dei napoh kane ka Jylla.
Ïa ka prokram jied khynnah yn pynlong ha ka 22 tarik mynta u bnai ka ban sdang naduh ka por 11 baje mynstep ha SSA Stadium, Shillong.
Kat kum ka kyrwoh ba la pyllait kane ka klob, la ong ba ki khynnah kiba wan sha kane ka jingpyrshang kin dei kiba la kha ha ka 1 tarik u Kyllalyngkot jong u snem 2012 lane shwa ka 31 tarik u Nohprah jong u snem 2013.
Ki dei ban wanrah lang ïa ki syrnot kum ka Aadhaar Certificate ka ban pynshisha ïa ka snem kynthup lang ruh ïa ki tiar ïalehkai naduh ki but bad kiwei ki jingdonkam. La kyntu ïa ki kmie ki kpa ba ki dei ban phone ha ki 9863373299 & 8413055863 na ka bynta ban pynrung ïa ka kyrteng jong ki khun.
