Beijing, Jylliew:
Ki pulit ka China ha ka Sngi Ba-ar ki la iathuh ba ki la ioh ban kem noh ia uwei u suba don kti ban pyniap ia 4 ngut ki nong America kiba long ki nonghikai kolej katba ki dang leit ban shangkai sha ka jaka shangkai pyngngad (Park) kaba don sha ka phang Northeast jong ka China.
Namar la ong ba ka China ka la pynpaw ia ka jingsngewkhia kaba jur halor katei ka jingshah pyniap kitei ki 4 ngut ki nong US ha katei ka jaka shangkai pyngngad bad na ka liang ka US ruh ka la sngewkhia haduh katta ba ki paidbah nongshong shnong jong ka ki shah thombor bad kim don jingshngaiñ shuh ban shong ha kiwei pat ki ri kum ha China.
