Shillong, Jylliew 14
Ka lympung ïalehkai Dis-trict Level Inter School Subroto Cup Football Tournament 2024 ba la pynïaid da ka shlem treikam jong ka District Sports Officer (DSO) East Jaiñtia Hills ka la jam sha ka quarter final.
Ha ka Under-17 (Boys) ki long ka Littlestar SS, Lotus SS, Devine Word SS bad ka Wapung HSS, kumjuh ha ka U-15 (Boys) ki long ka Byndihati SS,Khliehriat Presbyterian SS, Wapung HSS, Lotus SS, Cham Cham SS bad ka Step By Step SS. Kata ha ka Under-17 (Girls) ka Lumchyrmit UPS bad ka Lutus SS ki la jam sha ka semi final.
Ha ka jingïakhun jong ka Under-17 (Girls), ka Lotus SS ka la pynliem noh ïa ka Rymbai Govt. SS da 10-0 kol. Ka Diwakapaïa Dkhar (6,8, 33 & 43) lem bad ka Alisha Lyngdoh (20, 25, 23 & 41) ki la khur ïa ka hat-trick da kaba thep saw kol, katba ia ki ar kol la thep da ka Daphishisha Lyngdoh (23 & 32).
Ka Sham Sham SS ka la pynliem noh ïa ka Divine Word SS lyngba ki ar kol ba la thep da ka Sathi Phawa (31) bad ïa kawei pat la ïarap pynthep kham hashwa da ka ‘thei ïalehkai ka Divine ka Markatjuh Mukhim (27)
Ha ka Under-15 (Boys) ka K.B Memorial SS ka la pynjem khnap ïa ka Dkhiah East SS haduh 16-0 kol. U Demeki Phawa u la khur haduh lai tylli ki hat-trick da kaba thep ha ka minit kaba 3, 11, 12, 26, 27, 29, 31, 31 & 42. Ïa kawei ka hat-trick la khur ruh da u Ebiangmi Singshai (38, 44 & 47). Ïa kiwei pat la thep da u Dining Rymbai (35), Ekunemon Lamare (15 & 22) bad u Eddie James Siangshai (39).
Ka Step By Step SS ka la pynliem noh ïa ka Khliehriat HSS da 5-0 kol. U Kevinson Dkhar u la khur ïa ka hat-trick da kaba thep ha ka minit kaba 9, 25, 34 & 58, katba ia ka shi kol la thep da u Franky Ryng-khlem (16).
