Shillong, Jylliew 16
Ka Italy kaba dei ka lahduh jong ka lympung European Championship, ka la hap ban ïakhun tyngeh ban ïoh ïa ka jingjop ha ka jingïalehkai kaba nyngkong jong kane ka lympung mynta u snem kaba la long pyrshah ïa ka Albania.
Haba phai sha ka jingïalehkai kaba la long ha Dortmund ha Germany, ka Italy ka la lah ban pynliem noh ïa ka Albania da 2-1 kol. Dei ka Albania kaba la ïoh ban khyrwit ïa ka kol kaba nyngkong bad kaba sted tam ha ka lympung European hynrei lyngba ka jingïakhun tyngeh, ka Italy ka la ïoh ban pynphai ar tylli ki kol bad ban jop syndon ïa ka jingïalehkai.
U Nedim Bajrami u la ïoh ban thaw ïa ka histori tang hadien 23 sekhon, hadien ba u la ïoh ban khyrwit ïa ka kol jong ka Albania. Hynrei kane ka jingkmen kam shym la lah ban neh slem, namar ha ka minit kaba 11, ka Italy lyngba u Alessandro Bastoni ka la ïoh ban pynphai ïa kane ka shi kol.
Ha ka minit kaba 16 pat, ka Italy ka la ïoh ban thep ïa ka kol ba ar lyngba u Nicolo Barella kaba la biang pura ban khur ïa ki 3 point pura.
Ha kane ka jingïaleh-kai ka Italy ka la dei ban ïoh thep kham bun ki kol hynrei u nongap kol ka Albania u Thomas Strako -sha u la lah ban kyrda na bun tylli ki kabu.
