Shillong, Jylliew 16
U Rafael Nadal bad Carlos Alcaraz kin ïalehkai lang ha ka doubles na bynta ka Spain ha ka Paris Olympis, la pynbna ka Synjuk ïalehkai Tennis na Spain.
Kane ka jingpynbna ka la wan hadien ba u Alcaraz, ba dang 21 snem u la rah ïa ka nam lahduh ha ka French Open ha ka sien ba nyngkong bad ba lai ha ka Grand Slam.
U Nadal ba la 38 snem ka rta, u dei u rangïalehkai uba la khur ïa ka takma ksiar ha ka jingïakhun para marwei jong ka Olympic ha u 2008 bad ha ka doubles ha u 2016 lem bad u Marc Lopez, ryngkat 22 tylli ki nam jop Grand Slam.
