Ki Hynñiew tylli ki Jylla kata ka Gujarat, Madhya Pradesh, Odisha, Himachal Pradesh, Uttarkhand, Chhattisgarh, Assam bad kawei ka Delhi kaba dang long ka Union Territories. Ban peit ïa kane ka result M. P. 2024, ym i don lad shuh ïa ka seng Congress ba kan dang lah ban wan phai sha ka bor ha ki snem ban sa wan ruh. Nangta ha Jylla Haryana, Bihar, Karnataka, Rajasthan, Jharkhand, Telanggna, Uttar Pradesh ka ïoh bun bha, wat la ka la hiar khyndiat ha Uttar Pradesh, Maharasthra, bad West Bengal. Nangta ha kiwei kiwei ki Jylla ba rit ruh ka ïoh hi kum ha Arunachal Pradesh, Tripura bad kiwei kiwei ki Union Territories kumjuh. Ka sdang Congress dang kham ïoh tam ki Regional Parti haba kheiñlang ïa kiba jop. Te kane ka pyni shai ba ka seng Congress kam lah shuh ban ïoh bat ïa ka bor ha Delhi, lada kam lah jingkyrshan tylli na ki Regional parti. Kane ka pyni shai ba ka seng BJP ka dang ïoh jingshaniah na u paidbah ka ri India.
C. B. Iawphniaw
