Quito, Jylliew:
Ki bor pyniaid ka Ecuador ha ka Sngi U Blei ki la pyntip halor ka jingkhlad jong 6 ngut ki nongshong shnong katei ka ri bad kumba 30 ngut kiba dang jah rngai hadien ka jingwa khyndew ba shyrkhei kaba la jia hapoh ka nongbah Banos de Agua Santa ha katei ka sngi.
Kumta, u Myntri ka tnat ki kam paidbah u la phah ruh ia ka jingsngewlem sha ka iing- ka sem jong kitei kiba khlad bad kiba shah ktah baroh ha katei ka jingjia kaba wan ban lynshop da ki bor ka mariang.
Namar la ong ba ki ‘eriong ki la khie bad leit lynshop ia ka phang Central bad South America naduh ka Sngi U Blei, ha kaba kiwei pat ki ri ki la ioh ia ka jingmaham na ki tnat ba dei khmih halor ka jingwan lynshop ki bor mariang khamtam ka jingtwa khyndew, jingtwa ki lum maw bad kumjuh ruh ka jingshlei um.
Namar kata, ki bor pyniaid ka El Salvador ki la pynbna da ka ‘Red Alert’ ha kane ka por namar ka jingap khmih lynti ia u slap uba jur bad uba lah ban wanrah ia ki jingjia bapher ha katei ka ri kaba rit.
Katba ha Guatemala pat, la ong ba katto katne ki liengsuiñ kiba dei ban mih na katei ka nongbah ki la sangeh noh namar ka jingbym shngaiñ jong ka jinglong- jingman ka suiñ bneng ha katei ka sngi.
