Nongstoiñ, Jylliew 17
Ka lympung ïalehkai West Khasi Hills District Level Inter School Subroto Mukherjee Cup Football Tournament 2024 ba la pynlong da ka shlem treikam jong ka District Sports Officer ka la nangjam shaphrang ha ka Lah Sngi U Blei.
Ha ki jingïakhun jong ka Under-15 (boys) , ka St. Anthony’s SS ka la pynliem noh da 2-0 kol ïa ka KJP Synnod Sepngi SS. Ka Joel Gatphoh ka la jop da 2-0 kol ïa ka Thomas Jones, ka Borsing ka la pynliem noh da 5-4 kol lyngba ka tie-breaker ïa ka New Nongstoin SS. Katba ka Lumangkara SS ka la pynjem khnap ïa ka Mount Hermon Academy haduh 6-0 kol.
Haba phai pat sha ka Under-17 (boys), ka Dapboklang Giri Memorial SS ka la pynliem noh ïa ka New Nongstoiñ SS da 2-0 kol. Ka Donbosco HSS Mawkhlam ka la pynliem noh da 3-0 kol ïa ka Pingbah SS, Nonglwai. Ka Rev.JJM Nicholas Roy SS ka la pynliem noh ïa ka Lowingwell SS da 2-0 kol, katba ka St. Xavier ka la jop da 1-0 kol ïa ka Anderson HSS.
