Mairang, Jylliew 18
Ka lympung ïalehkai Eastern West Khasi Hills District Level Inter School Subroto Mukherjee Cup Football Tournament 2024 ba la pynïaid da ka shlem treikam District Sports Officer (DSO) ka la jam sha ka final.
Ha ka jingïakhun semi final jong ka Under-15 ki khynnah shynrang, ka Little stars English Medium SS ka la pynjem khnap ïa ka Mawkhar Presbyterian SS haduh 11-0 kol, katba ka St. Joseph Higher Secondary School ka la jop da 4-0 kol ïa ka Mairang Presbyterian HSS.
Nangta ha ka Under-17 ki shynrang, ka Little Stars English Medium SS ka la pynliem noh da 3-0 kol ïa ka St. Thomas Higher SS, katba ka Nongthliew HSS ka la pynliem noh da 2-1 kol ïa ka St. Joseph HSS.
Na ka liang ka shlem treikam ka DSO ka la pyntip ba ka jingïakhun final jong kane ka lympung kan long ha ka Sngi Palei (20 tarik) ha ka por 10 baje mynstep. Ka jingïalehkai final jong ka Under-17 ki kynthei kan long hapdeng ka Little Stars English Medium SS pyrshah ïa ka Mawkhar Presbyterian SS. Ha ka 11:30 ka jingialehkai final jong ka Under-15 ki shynrang kan long hapdeng ka Little Stars English Medium pyrshah ïa ka St. Joseoh Higher SS bad ha ka por 1:30 Pm pat ka jingïakhun final jong ka Under-17 ki shynrang kan long hapdeng ka Little Stars pyrshah ïa ka Nonghhliew HSS.
