Aden, Jylliew:
Katkum ki khubor, la ong ba ki shipai ka US bad ka Britain ha ka Lah Sngi U Blei ki la pyntip ba ki la ioh ban ther bom sha katto katne ki bynta jong ka Kad Liengsuiñ Hodeidah International Airport jong ka Yemen bad kumjuh ruh ha ka dew lynnong Kamaran Island kaba don hajan ka jaka sangeh jhad ha Salif kaba pyniasoh bad ka Red Sea.
Kane ka jingleit thombor sha Kamaran ka dei ruh ka sien ba nyngkong ia ka US bad ka Britain ban leit ktah kti ia ka Yemen hadien ba ki lehnoh Houthi jong ka Yemen ki la pynthut ia kat ki jhad kiba dei jong ka US bad Britain kiba iaid lyngba ia ka duriaw Red Sea ha kine ki por ba la leit naduh ba ka Israel ka la sdang ban leit hiar thma ia ka Hamas ha Gaza.
Namar la ong ba katei ka kynhun lehnoh Houthi na Yemen, ka pyrshah jur ia ka jingleit hiar thma jong ka Israel sha Gaza bad kumta ruh ka la pynpaw da ki kam thombor jong ka pyrshah ia kat ki jhad kiba leit poi sha kitei ki bynta jong ka duriaw kaba don hajan jong ki.
