Jowai, Jylliew 18
Ka Mihmyntdu RC Eve Secondary School, All Saint Diocesen Secondary School, North Liberty HS School, Govt. Girls HS School bad Kiang Nangbah Govt. HS School ki la rung sha ka quarter final ha ka lympung ïalehkai District Level Inter School Subroto Mukherjee Cup Football Tournament 2024.
Ha ka jingïakhun pre-quarter final jong ka Under-15 (Boys) ba la pynlong da ka shlem treikam u District Sports Officer (DSO), West Jaiñtia Hills ha ka Sngi Ba-ar ha Kiang Nangbah Stadium Ladthadlaboh kaba ha Jowai, ka Mihmyntdu RC Eve SS ka la pynliem ïa ka Marian Hills HSS da 1-0 kol.
Ha ka Under-17 (Girls), ka All Saint Diocesan SS ka la pynliem noh ïa ka On and On English School lyngba ka tie-breaker da 3-1 kol bad ka North Liberty ka la pynliem noh ïa ka Mihmyntdu RC Eve SS da 2-0 kol.
Ka Govt. Girls HSS ka la pynliem ïa ka Don Bosco Secondary School da 3-0 kol, katba ka Kiang Nangbah Govt. SS ka la jop ïa ka HK. Singh Memorial SS.
