Shillong, Jylliew 19
Ka Lotus Secondary School na Deinchynrum lem bad ka Dkhiah East SS ki la jam sha ka final ha ka lympung ïalehkai Level Inter School Subroto Mukherjee Cup Football Tournament 2024 ba la pynlong da ka shlem treikam ka District Sports Officer (DSO) East Jaiñtia Hills District.
Ha ka jingïakhun semi final jong ka Under-17 ki kynthei kaba la long ha ka sngi Balang, ka Lotus ka la lah ban pynliem noh ïa ka Lumshyrmit Niamtre UPS da 4-2 kol. Ka Alisha Lyngdoh ka la ioh ban thep ar kol ha ka minit kaba 41 & 52, katba ïa ki shi kol la thep da ka Saphapaya Lyngdoh (59) bad ka Dewakapaya Dkhar (23).
Haba phai sha kawei pat ka jingïakhun, ka Dkhiah East ka la pynliem noh ïa ka Musniang SS da shiteng dorjon (6-0 kol). Ka Amethis Ramvulmoll Darnei ka la khur ia ka hat-trick da kaba thep ha ka minit kaba 54, 55 & 50. Katba ka Ngaisah Dame Darnei ka la thep ar kol ja ka minit kaba 10 & 49 bad ïa kawei pat la thep da ka Rimaïa Rymbai (51).
