Jowai, Jylliew 19
Ka North Liberty HSS, Sawlyngdoh HSS, Kiang Nangbah Govt. HSS, Govt. Boys HSS ha ka Under-17 (Boys) bad HK. Singh Memorial SS na ka Under-15 (Boys) ki la jam sha ka semi final jong ka District Level Inter School Subroto Mukherjee Cup 2024.
Ïa kane ka lympung la pynvaid da ka shlem treikam u District Sports Officer (DSO), West Jaiñtia Hills ha Kiang Nangbah Stadium, Jowai.
Ha ka jingïakhun quarter final jong ka Under-17 (Boys) kaba la long ha ka sngi Balang, ka North Liberty ka la pynliem ïa ka Laishnong HSS Nongbareh da 3-0 kol. Ka Sawlyngdoh HS School Mowkaïaw ka la pynliem noh ïa ka St. Dominic HS School da 3-1 kol. Ka Kiang Nangbah Govt. HS School ka la jop da 3-1 kol ïa ka HK Singh Memorial SS. Ka Govt. Boys ka la pynliem ïa ka Lumpyrtuh SS da 5-2 kol.
Ha ka jingïakhun jong ka Under-15 (Boys), ka HK Singh Memorial ka la pynliem noh ïa ka Sabahmuswang UP School da 1-0 kol.
Ka jingïakhun quarter final ka ban long ha ka sngi Palei ha ka kyrdan ïalehkai Under-15 (Boys) kan long hapdeng ka Dominic English SS pyrshah ïa ka North Liberty HSS. Ka Govt. Boys pyrshah ïa ka St. Dominic HSS, katba ka Modern SS ïa ka Mihmyntdu RC. Eve SS.
Ha ka kyrdan ïalehkai Under-17 (Girls), ka Police Public SS kan ïakhun pyrshah ïa ka All Saint Diocesan SS, katba ka Govt. Girls HSS pyrshah ïa ka Kiang Nangbah Govt. HSS.
