Shillong, Jylliew 20
Ka Mawroh SC ka la long ka lahduh ha ka Mawlai Cup 2024 ba la pynïaid da ka Red Mark FC na Kyntonmassar, hadien ba ka la lah ban pynliem noh ïa ka Sametre (Ïewrynghep) da 5-3 kol.
Ha katei ka jingïakhun final kaba la long ha ka Sngi Balang ha madan Heh Mini Stadium, ka la long kaba ïakhaid bha ha kaba baroh ar kynhun ki la ïakhun tyngeh naduh kaba sdang bad haduh kaba kut ka jingïalehkai.
Ïa ki khusnam la sam da u President ka Shillong Sports Association bad uba long u MLA ka Mawkynrew Constituency u Bah Banteidor Lyngdoh kum u kongsan ha ryngkat u MLA ka Mawlai u Bah Brightstarwell Marbaniang kum u symbud kongsan, kumjuh u Bah George Syiem bad Bah Wanseng Jyrwa, President ka Congress Mawlai Block, ki ‘riew ïeid phutbol, u Bah Samborlang Diengdoh bad u Bah Samuel Biam President ka Seng Samla Mawlai. Kane ka long kat kum ka kyrwoh ba la pyllait da u President ka R.F.C u Bah A. Biam.
